കാഠ്മണ്ഡു : നേപ്പാളിലെ ഹിന്ദുക്കളുടെയും ബുദ്ധമതക്കാരുടെയും ജനസംഖ്യ കുറയുന്നതായി സെൻസസ് റിപ്പോർട്ട് . സെൻട്രൽ ബ്യൂറോ ഓഫ് സ്റ്റാറ്റിസ്റ്റിക്സ് ജൂൺ 3 ന് പ്രസിദ്ധീകരിച്ച സെൻസസ് റിപ്പോർട്ടിൽ 2011 ലെ ജനസംഖ്യാ സെൻസസ് സമയത്ത് 81.3 പേർ ഉണ്ടായിരുന്നുവെന്നും അത് നിലവിൽ കുറഞ്ഞതായും പറയുന്നു.
കഴിഞ്ഞ 10 വർഷത്തിനിടെ ഹിന്ദു , ബുദ്ധമത അനുയായികൾ യഥാക്രമം 0.11 ശതമാനവും 0.79 ശതമാനവുമായി കുറഞ്ഞു. നേപ്പാളിൽ 2,36,77,744 പേർ ഹിന്ദു ധർമ്മം പിന്തുടരുന്നു. 23,94,549 പേർ പിന്തുടരുന്ന രണ്ടാമത്തെ മതമാണ് ബുദ്ധമതം . നേപ്പാളിലെ ജനസംഖ്യയുടെ 8.2 ശതമാനം ബുദ്ധമതക്കാരാണ്. 14,83,060 ആളുകൾ ഇസ്ലാം മതം പിന്തുടരുന്നു. പുറത്തുവിട്ട കണക്കുകൾ പ്രകാരം, കഴിഞ്ഞ ദശകത്തിൽ ഹിന്ദുക്കളുടെയും ബുദ്ധമതക്കാരുടെയും ജനസംഖ്യ കുറഞ്ഞു. അതേസമയം മുസ്ലീങ്ങളുടെയും , ക്രിസ്ത്യൻ വിശ്വാസികളുടെയും എണ്ണം നേരിയ തോതിൽ വർദ്ധിച്ചിട്ടുണ്ട് .
കണക്കുകൾ പ്രകാരം ഇസ്ലാം , കിരാത്, ക്രിസ്ത്യാനികൾ എന്നിവരുടെ ജനസംഖ്യ യഥാക്രമം 0.69, 0.17, 0.36 ശതമാനം വർദ്ധിച്ചു. 2011 ലെ സെൻസസ് പ്രകാരം 9 ശതമാനം ബുദ്ധമതക്കാരും 4.4 ശതമാനം മുസ്ലീങ്ങളും 0.1 ശതമാനം ക്രിസ്ത്യാനികളുമുണ്ട് നേപ്പാളിൽ.
പുതിയ ഡാറ്റ അനുസരിച്ച്, രാജ്യത്തെ അഞ്ചാമത്തെ വലിയ മതമായ ക്രിസ്ത്യൻ വിശ്വാസത്തെ 5,12,313 ആളുകൾ അല്ലെങ്കിൽ മൊത്തം ജനസംഖ്യയുടെ 1.76 ശതമാനം പിന്തുടരുന്നു, അതേസമയം തദ്ദേശീയ കിരാത് മതം 3.17 ശതമാനം അനുയായികളുള്ള നാലാമത്തെ വലിയ മതമാണ്.
രാജ്യത്ത് സനാതന ധർമ്മത്തെ കുറിച്ചുള്ള വിപുലമായ ചർച്ചകളും , ക്ലാസുകളും , പാഠശാലകളും തുടങ്ങാൻ നീക്കങ്ങൾ നടക്കുന്നതായും റിപ്പോർട്ടുകളുണ്ട്.
