പാലക്കാട്: ലഹരിക്കടത്താൻ ശ്രമിച്ച സംഭവത്തിൽ രണ്ട് പേർ അറസ്റ്റിൽ. തൃശൂർ സ്വദേശികളായ യുവതിയും യുവാവുമാണ് അറസ്റ്റിലായത്. ഥാർ ജീപ്പിലായിരുന്നു പ്രതികൾ ലഹരി കടത്താൻ ശ്രമം നടത്തിയത്. അറസ്റ്റിലായ മുകുന്ദപുരം സ്വദേശി ഷമീന, തളിക്കുളം സ്വദേശി മുഹമ്മദ് റായിസ് എന്നിവരുടെ പക്കൽ നിന്ന് 62 ഗ്രാം എംഡിഎംഎ കണ്ടെടുത്തു.
ബെംഗളൂരുവിൽ നിന്നെത്തിച്ച മയക്കുമരുന്ന് കേരളത്തിൽ വിൽപ്പന നടത്താനായിരുന്നു പ്രതികളുടെ ശ്രമം. കസബ പോലീസിന് ലഭിച്ച രഹസ്യ വിവരത്തെ തുടർന്ന് നടത്തിയ പരിശോധനയിൽ പ്രതികൾ പിടിയിലാകുകയായിരുന്നു. കസബ പോലീസും ലഹരി വിരുദ്ധ സ്‌ക്വാഡും സംയുക്തമായാണ് പരിശോധന നടത്തിയത്.
