ശ്രീലങ്കയ്ക്ക് പുറമെ നെതർലൻഡ്സും ഏകദിന ലോകകപ്പ് യോഗ്യത നേടി. അഞ്ചുവിക്കറ്റും 123 റൺസും നേടിയ ബാഡ്ലിയാണ് ടീമിന് ലോകകപ്പിലേക്കുളള യോഗ്യത നേടിക്കൊടുത്തത്. ഇതോടെ ഇന്ത്യയിൽ നടക്കുന്ന ഏകദിന ലോകകപ്പിന് യോഗ്യതനേടുന്ന അവസാനത്തെ ടീമായി നെതർലൻഡ്സ്. യോഗ്യതാ മത്സരം കളിച്ച് രണ്ട് ടീമുകൾ കൂടി ഇപ്പോൾ ലോകകപ്പിലേക്ക് എത്തുകയാണ്.
യോഗ്യതാ മത്സരം കളിച്ച് ആദ്യം ലോകകപ്പ് ഉറപ്പിച്ചത് ശ്രീലങ്കയാണ്. യോഗ്യതാ റൗണ്ടിലെ സൂപ്പർ സിക്സ് പോരാട്ടത്തിൽ സിംബാബ്വെയെ തകർത്താണ് ശ്രീലങ്ക ലോകകപ്പിന് യോഗ്യത നേടിയത്. ഒൻപത് വിക്കറ്റിനാണ് ശ്രീലങ്കയുടെ വിജയം. യോഗ്യതാ റൗണ്ടിൽ ഒരു മത്സരം പോലും തോൽക്കാതെയാണ് ശ്രീലങ്ക വിജയക്കുതിപ്പ് നടത്തിയത്.
കുശാൽ മെൻഡിസ്, ധനജ്ഞയ ഡി സിൽവ, വനിന്ദു ഹസരങ്ക, മഹീഷ് തീക്ഷണ എന്നിവരെ ശ്രീലങ്കൻ നിരയിലും ബാസ് ഡി ലീഡെ, ലോഗൻ ബാൻ വീക്ക്, സ്കോട്ട് എഡ്വാർഡ്സ് എന്നിവരെ നെതർലൻഡ് നിരയിലും സൂക്ഷിക്കണ്ടതുണ്ട്. നെർലൻഡ്സ് സ്ഥാനം ഉറപ്പിച്ചതോടെ ലോകകപ്പിലെ ഇന്ത്യയുടെ മത്സരക്രമവും വ്യക്തമായി. ഒക്ടോബർ 8ന് ഓസ്ട്രേലിയക്കെതിരെയാണ് ലോകകപ്പിൽ ഇന്ത്യയുടെ ആദ്യമത്സരം.
Comments