മെച്ചപ്പെട്ട വീഡിയോ അനുഭവം നൽകാൻ ഫേസ്ബുക്ക്. ഇതിനായി കൂടുതൽ റീൽഡ് എഡിറ്റിംഗ് ടൂളുകൾ മെറ്റ അവതരിപ്പിച്ചു. വീഡിയോ സ്പീഡ് അപ്പ്, റിവേഴ്സ് ആന്റ് റീപ്ലേസ് ക്ലിപ്പ് ഉൾപ്പെടെയുള്ള ടൂളുകളാണ് പുതുതായി ഉൾപ്പെടുത്തിയത്. മ്യൂസിക്, ഓഡിയോ ക്ലിപ്പുകൾ വീഡിയോയിൽ ചേർക്കാനും ആവശ്യമില്ലാത്ത ശബ്ദങ്ങൾ കളയാനും ഈ എഡിറ്റിംഗ് ടൂളുകൾ വഴി കഴഇയും. വോയ്സ് ഓവർ റെക്കോർഡ് ചെയ്ത് വീഡിയോയിൽ ചേർക്കാനും ഇനി സാധിക്കും.
റീൽസ്, ദൈർഘ്യമേറിയ വീഡിയോയ്ക്കായും പുതിയ വീഡിയോ ടാബ് അവതരിപ്പിച്ചിട്ടുണ്ട്. എച്ച്ഡിആർ വീഡിയോ മൊബൈൽ ഫോണിൽ നിന്ന് റീൽസിൽ അപ് ലോഡ് ചെയ്യാനും കഴിയും. വീഡിയോകൾ വെർട്ടിക്കലായി സ്ക്രോൾ ചെയ്ത് കാണുംവിധമാണ് ക്രമീകരണം. ഫോർ യു, ലൈവ്, റീൽസ്, മ്യൂസിക് എന്നിങ്ങനെ വീഡിയോകൾ വേർതിരിച്ചാകും കാണിക്കുക. വീഡിയോ എക്സ്ഫ്ളോർ ഫീച്ചർ വഴി ജനപ്രിയ വിഷയങ്ങളിലുള്ള വീഡിയോകൾ കണ്ടെത്താൻ കഴിയും.
Comments