ടീം ഇന്ത്യയുടെ അയർലൻഡ് പര്യടനത്തിൽ സൂര്യകുമാർ യാദവ് ക്യാപ്റ്റനായേക്കും. ട്വന്റി-20യിൽ നിലവിൽ ഇന്ത്യയെ നയിക്കുന്നത് ഹാർദ്ദിക് പാണ്ഡ്യയാണ്. എന്നാൽ അയർലൻഡ് പരമ്പരയിൽ ഹാർദ്ദികിന് വിശ്രമം നൽകുമെന്നാണ് ദേശീയ മാദ്ധ്യമങ്ങൾ റിപ്പോർട്ട് ചെയ്യുന്നത്.
ഏഷ്യാ കപ്പ്, ഏകദിന ലോകകപ്പ് ടീമിലിടമുളള ഹാർദിക്കിന്റെ ജോലിഭാരം ക്രമീകരിക്കുന്നതിന് വേണ്ടിയാണ് അയർലൻഡ് പര്യടനത്തിൽ നിന്നും വിശ്രമം അനുവദിക്കുന്നത്. മുംബൈ ഇന്ത്യൻസിനെ സൂര്യകുമാർ യാദവ് 2023ലെ ഐപിഎൽ സീസണിൽ ഏതാനും മത്സരങ്ങളിൽ നയിച്ചിരുന്നു. അതിന് പിന്നാലെയാണ് അയർലൻഡ് പര്യടനത്തിൽ സൂര്യയെ ക്യാപ്റ്റൻസി സ്ഥാനത്തേക്ക് പരിഗണിക്കുന്നത്.
പര്യടനത്തിൽ ശുഭ്മാൻ ഗില്ലിന് വിശ്രമമനുവദിച്ചാൽ പരിക്കിനെ തുടർന്ന് ഒരു വർഷത്തോളമായി ഇന്ത്യൻ ടീമിൽ നിന്ന് വിട്ടുനിൽക്കുന്ന സ്റ്റാർ പേസർ ബുമ്ര അയർലൻഡ് പര്യടനത്തോടെ ടീമിലേക്ക് തിരികെയെത്തും.
Comments