ചൈന; ഏഷ്യൻ ഗെയിംസിൽ ഫുട്‌ബോൾ മത്സരങ്ങൾക്കുള്ള ഗ്രൂപ്പുകൾ നിശ്ചയിച്ചു. ഇന്ത്യ പുരുഷ ടീം ആതിഥേയരായ ചൈന ഉൾപ്പെടുന്ന എ ഗ്രൂപ്പിലാണ്. ചൈനയെ കൂടാതെ ബംഗ്ലാദേശും മ്യാന്മറുമാണ് ഇന്ത്യയുടെ എതിരാളികൾ.വനിതാ ടീം ഗ്രൂപ്പ് ബിയിൽ ചൈനീസ് തായ്‌പേയിയെയും തായ്‌ലൻഡിനെയും നേരിടും. ഹാങ്ഷൗവിൽ ഇന്നായിരുന്നു നറുക്കെടുപ്പ്.
പുരുഷ ഗ്രൂപ്പിലെ രണ്ടാമത്തെ ഉയർന്ന റാങ്കുകാരാണ് ടീം ഇന്ത്യ. ഫിഫാ റാങ്കിംഗിൽ 99-ാം സ്ഥാനത്താണ് ഇന്ത്യ. ചൈന 80-ാം സ്ഥാനത്തും മ്യാന്മർ 160-ാം സ്ഥാനത്തുമാണ്. 1951-ൽ ന്യൂഡൽഹിയിൽ നടന്ന ഏഷ്യൻ ഗെയിംസിലും 1962-ൽ ജക്കാർത്തയിൽ നടന്ന ഗെയിംസിലും സ്വർണവും 1970-ൽ ബാങ്കോക്കിൽ നടന്ന ഗെയിംസിൽ വെങ്കലവും നേടിയിരുന്നു. അതേസമയം വനിതാ ടീം ഇതുവരെ ഫുട്‌ബോളിൽ മെഡൽ നേടിയിട്ടില്ല.
മൂന്ന് സീനിയർ താരങ്ങൾക്കാണ് ടീമിലുൾപ്പെടാൻ അനുവാദമുള്ളത്. ശേഷിക്കുന്നവർ 23വയസിൽ താഴെയുള്ളവരായിരിക്കണം. 23 ടീമികളാണ് പങ്കെടുക്കുന്നത്. ആറു ഗ്രൂപ്പുകളായി തിരിച്ചാണ് മത്സരങ്ങൾ. നോർത്ത് കൊറിയയാണ് നിലവിലെ ചാമ്പ്യന്മാരും ടൂർണമെന്റിലെ മികച്ച ടീമും.
