ഫിഡെ ചെസ് ലോകകപ്പില് വിശ്വനാഥന് ആനന്ദിന് ശേഷം സെമി ഫൈനലിലെത്തുന്ന ഇന്ത്യക്കാരനായി ആര്.പ്രഗ്നാനന്ദ. സുഹൃത്തും ഇന്ത്യന് മത്സരാര്ത്ഥിയുമായ അര്ജുന് എറിഗൈസിയെ ടൈ ബ്രക്കറില് മറികടന്നാണ് കലാശ പോരിന്റെ സെമിയില് കടന്നത്. അസര്ബൈജാനിലാണ് ലോകകപ്പ് നടക്കുന്നത്. സെമിയില് അമേരിക്കന് ഗ്രാന്മാസ്റ്ററും 31-കാരനുമായ ഫാബിയാനോ കരുവാനയോട് ആണ് പ്രഗ്നാനന്ദ എറ്റുമുട്ടുന്നത്.
2000,2002 ലും ടൂര്ണമെന്റില് വിശ്വനാഥന് ആനന്ദ് വെന്നിക്കൊടി പാറിച്ചതിന് പിന്നാലെ ആര്ക്കും ലോക കപ്പിന്റെ സെമി കടക്കാനായിരുന്നില്ല. സെമിയിലെത്തിയതോടെ 2024ലെ കാനിഡേറ്റ് ടൂര്ണമെന്റിനും പ്രഗ്നാനന്ദ യോഗ്യത നേടിയിട്ടുണ്ട്. മാഗ്നസ് കാള്സണ് ഈ ടൂര്ണമെന്റില് പങ്കെടിക്കില്ലെന്ന് നേരത്തെ അറിയിച്ചിരുന്നു. ഇതാണ് 18-കാരന്റെ പ്രാതിനിധ്യം ഉറപ്പാക്കിയത്. ടോറന്റോയില് 2024 ഏപ്രില് മുതലാണ് ടൂര്ണമെന്റ്.രണ്ടാം സെമിയില് ടോപ് സീഡ് മാഗ്നസ് കാള്സണ് നിജാത് അബാസോവിനെ നേരിടും
Comments