രാജ്യത്തിന് വേണ്ടിയുള്ള അവരുടെ സേവനം മറക്കാനാകില്ല; ലഡാക്കിൽ വീരമൃത്യുവരിച്ച സൈനികർക്ക് അനുശോചനം രേഖപ്പെടുത്തി രാജ്നാഥ് സിം​ഗ്

ന്യൂഡൽഹി: ലഡാക്കിൽ ലേയ്‌ക്ക് സമീപം വീരമൃത്യുവരിച്ച സൈനികർക്ക് അനുശോചനം രേഖപ്പെടുത്തി പ്രതിരോധമന്ത്രി രാജ്നാഥ് സിം​ഗ്. ലഡാക്കിലെ ലേക്ക് സമീപം വാഹനാപകടത്തിൽ ഇന്ത്യൻ സൈനികരെ നഷ്ടപ്പെട്ടതിൽ അതിയായ ദുഃഖമുണ്ട്. നമ്മുടെ രാജ്യത്തിന് വേണ്ടിയുള്ള അവരുടെ മാതൃകാപരമായ സേവനം ഒരിക്കലും മറക്കാനാകില്ലെന്ന് രാജ്നാഥ് സിം​ഗ് പറഞ്ഞു. ട്വിറ്ററിലൂടെയാണ് അദ്ദേഹത്തിന്റെ പ്രതികരണം.

‘ലഡാക്കിലെ ലേയ്‌ക്ക് സമീപമുണ്ടായ വാഹനാപകടത്തിൽ ഇന്ത്യൻ കരസേനാംഗങ്ങളെ നഷ്ടപ്പെട്ടതിൽ ദുഃഖം രേഖപ്പെടുത്തുന്നു. നമ്മുടെ രാജ്യത്തിന് വേണ്ടിയുള്ള അവരുടെ മാതൃകാപരമായ സേവനം നമ്മൾ ഒരിക്കലും മറക്കില്ല. ദുഃഖിതരായ കുടുംബങ്ങളെയും ഞാൻ ഓർക്കുന്നു. പരിക്കേറ്റ ജീവനക്കാരെ ആശുപത്രിയിൽ പ്രവേശിപ്പിച്ചു. വളരെപ്പെട്ടെന്ന് അവർ സുഖം പ്രാപിക്കട്ടെ എന്ന് പ്രാർത്ഥിക്കുന്നു.’- രാജ്നാഥ് സിം​ഗ് ട്വീറ്റ് (എക്സ്) ചെയ്തു.

Saddened by the loss of Indian Army personnel due to an accident near Leh in Ladakh. We will never forget their exemplary service to our nation. My thoughts are with the bereaved families. The injured personnel have been rushed to the Field Hospital. Praying for their speedy…

— Rajnath Singh (@rajnathsingh) August 19, 2023

തെക്കൻ ലഡാക്കിലെ നിയോമയിലെ കെറേയിൽ ശനിയാഴ്‌ച വൈകുന്നേരം ആറരയോടെയാണ് അപകടം സംഭവിച്ചത്. 8 ജവാന്‍മാരും ഒരു ജൂനിയര്‍ കമ്മീഷന്‍ഡ് ഓഫീസറുമാണ് വീരമൃത്യുവരിച്ചത്. ഒരാൾക്ക് ​ഗുരുതരമായി പരിക്കേറ്റു. ക്യാരി ടൗണിൽ നിന്ന് 7 കിലോമീറ്റർ മുന്നിലുള്ള തടാകത്തിലേക്ക് ട്രക്ക് തെന്നി തടാകത്തിലേക്ക് മറിയുകയായിരുന്നു.