ചന്ദ്രയാൻ വിജയത്തിൽ അഭിനന്ദന ട്വീറ്റ് പങ്കുവെച്ച് പ്രകാശ് രാജ്. ഇന്ത്യയ്ക്കും മനുഷ്യരാശിക്കും അഭിമാന നിമിഷമാണെന്നായിരുന്നു നടന്റെ വാക്കുകൾ. മുൻ ഇസ്രോ മേധാവി കെ.ശിവനെ അധിക്ഷേപിച്ച് പോസ്റ്റ് പങ്കുവെച്ചതിന് കടുത്ത പ്രതിഷേധം ഉയർന്നിരുന്നു. ഇതിന് പിന്നാലെയാണ് ദൗത്യം വിജയിച്ചതിൻ ആഹ്ളാദം പങ്കുവെച്ചുകൊണ്ടുള്ള പോസ്റ്റ്.
ഇസ്രോ, ചന്ദ്രയാൻ 3, വിക്രംലാൻഡർ, ഇത് സാധ്യമാക്കാൻ സംഭാവന നൽകിയവർക്ക് നടൻ നന്ദിയും പ്രകാശിപ്പിക്കുന്നുണ്ട്. പ്രപഞ്ചത്തിന്റെ നിഗൂഢത കണ്ടെത്താനും ആഘോഷിക്കാനും ചന്ദ്രയാൻ നമ്മളെ സഹായിക്കട്ടെയെന്നും പ്രകാശ് രാജ് പോസ്റ്റിൽ പറഞ്ഞിരുന്നു.
കഴിഞ്ഞ ദിവസം ചന്ദ്രയാൻ ദൗത്യത്തെയും മുൻ ഇസ്രോ മോധാവി കെ. ശിവനെയും പരിഹസിച്ച് കാർട്ടൂൺ പങ്കുവെച്ചിരുന്നു. കാർട്ടൂൺ ചിത്രത്തിൽ കെ. ശിവനോട് സാമ്യമുള്ള കഥാപാത്രം ചായയടിക്കുന്നതാണ് കാണിക്കുന്നത്. ഇതിനെതിരെയാണ് പ്രതിഷേധം ഉയർന്നത്. എന്നാൽ താൻ കേരളത്തിലുള്ള ചായകടക്കാരനെയാണ് കാണിച്ചതെന്നായിരുന്നു പ്രകാശ് രാജിന്റെ മറുപടി.
Comments