തിരുവനന്തപുരം: സീരിയല് താരം അപര്ണ നായരുടെ ആത്മഹത്യയില് ഭര്ത്താവിന്റെ നിര്ണായക മൊഴി. സഞ്ജിത്തിനെ പോലീസ് ചോദ്യം ചെയ്തതിന് പിന്നാലെയാണ് മൊഴി പുറത്തുവന്നത്. കരമന പോലീസാണ് അസ്വഭാവിക മരണത്തിന് കേസെടുത്ത് അന്വേഷണം നടത്തുന്നത്.
കരമന തളിയിലെ വീട്ടിലാണ് അപര്ണ നായര് ആത്മഹത്യ ചെയ്തത്. ഭര്ത്താവിനും മക്കള്ക്കുമൊപ്പമായിരുന്നു അപര്ണ്ണയുടെ താമസം. സംഭവ ദിവസം ഉച്ചയ്ക്ക് രണ്ടുപേരും മദ്യപിച്ചിരുന്നുവെന്നും ഇതിനിടെ വാക്കു തര്ക്കമുണ്ടായെന്നുമാണ് സഞ്ജിത്ത് പേലീസിന് നല്കിയ മൊഴി. വഴക്കിനിടെ കുപ്പിയെടുത്ത് തന്റെ തലയില് അപര്ണ അടിച്ചുവെന്നും ഉപദ്രവം കൂടിയപ്പോള് മൂന്നു വയസ്സുകാരിയായ കുഞ്ഞിനെയും കൂട്ടി പുറത്തുപോയെന്നാണ് സഞ്ജിത്തിന്റെ മൊഴി.
ഈ മൊഴില് അന്വേഷണം പുരോഗമിക്കുകയാണ്. അതേസമയം ഭര്ത്താവിന്റെ പീഡനം കാരണമാണ് അപര്ണ മരിച്ചതെന്നാണ് ബന്ധുക്കളുടെ പരാതി. എന്നാല് സഞ്ജിത്തിനെതിരെ ആത്മഹത്യാ പ്രേരണക്ക് തെളിവൊന്നും ലഭിച്ചിട്ടില്ലെന്ന് കരമന പോലീസ് പറയുന്നു.
കുടുംബ പ്രശ്നങ്ങള് ഒന്നും ഉണ്ടായിരുന്നില്ല. വ്യാഴാഴ്ച രണ്ട് പേരും ഒരുമിച്ച് ക്ഷേത്ര ദര്ശനം കഴിഞ്ഞ് എത്തിയതാണെന്നും ലൊക്കേഷനില് ഉള്പ്പെടെ ഒരുമിച്ചാണ് പോയിരുന്നത്. സംഭവം നടക്കുമ്പോള് പുറത്തായിരുന്നു. അപര്ണയുടെ അമ്മ വിളിച്ചു പറഞ്ഞ ഉടനെ വീട്ടില് മടങ്ങിയെത്തിയെന്നും അദ്ദേഹം കൂട്ടിച്ചേര്ത്തു.
Comments