ശൈത്യകാലം എത്തുകയാണ്. കുട്ടികൾ മുതൽ മുതിർന്നവർ വരെ ആരോഗ്യം പരിപാലിക്കേണ്ട സമയമെത്തിയിരിക്കുന്നു. ഒരുപാട് രോഗങ്ങളാണ് ഇക്കാലത്ത് പിടിപെടുന്നത്. ജലദോഷം, ചുമ, കഫക്കെട്ട് തുടങ്ങിയ രോഗങ്ങൾ നിരന്തരമായിരിക്കും. ഇത്തരം ചെറിയ രോഗങ്ങൾ ചെറുക്കാൻ വീട്ടിൽ തന്നെ ചില പൊടിക്കൈകൾ പരീക്ഷിക്കാം..
ഇഞ്ചി:
ചുമ, കഫക്കെട്ട് മുതലായ രോഗങ്ങൾക്ക് ഫലപ്രദമായ ഒന്നാണ് ഇഞ്ചി. ഇത് ചെറു കഷണങ്ങളാക്കി തേനിൽ ചേർത്ത് കഴിക്കുന്നതും ചായ ഉണ്ടാക്കുമ്പോൾ ഒരു കഷണം ഇഞ്ചി ചേർത്ത് കുടിക്കുന്നതും ശരീരത്തിന് നല്ലതാണ്.
തേൻ
ചുമയകറ്റാനുള്ള മറ്റൊരു പ്രതിവിധിയാണ് തേൻ. ഇതിൽ ചുമ ചെറുക്കാനുള്ള ധാരാളം ആന്റി- മൈക്രോബിയൽ ഘടകങ്ങളും ആന്റി- ബാക്ടീരിയൽ ഘടകങ്ങളും അടങ്ങിയിരിക്കുന്നു. ചെറു ചൂടുവെള്ളത്തിലോ ഗ്രീൻ-ടീയിലോ തേൻ ചേർത്ത് കുടിക്കുന്നത് ചുമ ചെറുക്കാൻ സഹായകരമാണ്.
വിറ്റാമിൻ സി
രോഗ പ്രതിരോധശേഷി വർദ്ധിപ്പിക്കുന്നതിന് സഹായകരമാണ് വിറ്റാമിൻ സി. ഓറഞ്ച്, നാരങ്ങ, മൂസമ്പി തുടങ്ങി സിട്രസ് ആസിഡ് അടങ്ങിയിട്ടുള്ള പഴവർഗങ്ങൾ കഴിക്കുന്നത് രോഗ പ്രതിരോധശേഷി വർദ്ധിപ്പിക്കാൻ ഏറെ സഹായകരമാണ്.
മഞ്ഞൾ
മഞ്ഞൾ ഇടാത്ത കറികൾ പൊതുവെ കുറവായിരിക്കും. ശരീരത്തിലേക്കെത്തുന്ന രോഗാണുക്കളെ നീക്കം ചെയ്യുന്നതിൽ മഞ്ഞൾ പ്രധാന പങ്കുവഹിക്കുന്നുണ്ട്. ചെറു ചൂടു പാലിൽ അല്പം മഞ്ഞൾപൊടി ചേർത്ത് കുടിക്കുന്നത് കഫക്കെട്ട് കുറയ്ക്കാൻ സഹായിക്കുന്നു. ഇടയ്ക്കിടെ ഉപ്പു വെള്ളത്തിൽ ഗാർഗിൾ ചെയ്യുന്നതും ചെറു ചൂടുവെള്ളം കുടിക്കുന്നതും മഞ്ഞുകാലത്തെ രോഗങ്ങളെ തടഞ്ഞു നിർത്താൻ സഹായിക്കുന്നു.