ബോളിവുഡിലെ പ്രിയ നായികമാരിൽ ഒരാളാണ് തപ്സി പന്നു. വളരെ സെലക്ടീവായി മാത്രം ചിത്രങ്ങൾ ചെയ്യുന്ന നായിക കൂടിയാണ് തപ്സി. തെന്നിന്ത്യൻ ഭാഷകളിലും താരം കഴിവ് തെളിയിച്ച് കഴിഞ്ഞു. മലയാളത്തിൽ മമ്മൂട്ടിയുടെ നായികയായി ഡബിൾസ് എന്ന ചിത്രത്തിലും താരം അഭിനയിച്ചിട്ടുണ്ട്. ഷാറൂഖ് ഖാന്റെ നായികയായി എത്തിയ ഡുങ്കിയാണ് തപ്‌സിയുടെ ഒടുവിൽ റിലീസ് ചെയ്ത ചിത്രം.
ഡുങ്കി രാജ്യമെമ്പാടുമുള്ള തീയേറ്ററുകളിൽ മികച്ച പ്രതികരണം നേടി മുന്നേറുകയാണ്. ഇതിനിടെ തപ്സി സമൂഹമാദ്ധ്യമങ്ങളിൽ പങ്കുവച്ച വീഡിയോ ശ്രദ്ധേയമാവുകയാണ്. കുടുംബത്തോടൊപ്പം അവധി ആഘോഷിക്കാനായി കേരളത്തിൽ എത്തിയതിന്റെ വീഡിയോയാണ് താരം പങ്കുവച്ചത്. ആലപ്പുഴയിലാണ് താരം അവധി ആഘോഷത്തിനായി തിരഞ്ഞെടുത്തത്.
View this post on Instagram
വീഡിയോയിൽ താരം വിളക്ക് കത്തിയ്‌ക്കുന്നതും വള്ളത്തിൽ യാത്ര ചെയ്യുന്നതും കഥകളി, കൈത്തറി നെയ്‌ത്തുശാല സന്ദർശിക്കുന്നതുമടക്കം ആലപ്പുഴയുടെ എല്ലാ സൗന്ദര്യവും തപ്സി ആസ്വദിക്കുന്നുണ്ട്. ‘കേരളവുമായി എനിക്ക് വല്ലാത്തൊരു ആത്മബന്ധമാണ് ഈ നാടിനോട് ഹാപ്പി ന്യൂയർ 2024’ എന്ന അടിക്കുറിപ്പോടെയാണ് വീഡിയോ പങ്കുവെച്ചത്.
