രാവിലെ ഒരു കപ്പ് കാപ്പി അല്ലെങ്കിൽ ചായ കുടിച്ച് ദിവസം ആരംഭിക്കുന്നവരാണ് ഭൂരിഭാഗം പേരും. കാപ്പിയിലും ചായയിലും അടങ്ങിയിരിക്കുന്ന കഫീൻ ഊർജ്ജവും ഉന്മേഷവും നൽകുന്നതിൽ പ്രധാന പങ്ക് വഹിക്കുന്നു.
എന്നാൽ എന്നും ഓരേ രീതിയിൽ ചായും കാപ്പിയും കുടിച്ച് മടുത്തവരാകും പലരും. പുതുവഴി തേടുന്നവർക്ക് നെയ്യ് ചേർത്ത കാപ്പി പരീക്ഷിക്കാവുന്നതാണ്. പോഷകങ്ങളുടെ കലവറയായ നെയ്യ്, രണ്ട് തുള്ളി ചായയിൽ ചേർക്കുന്നത് ഗുണങ്ങൾ ഇരട്ടിയാക്കും. ബോളിവുഡ് താരങ്ങൾ വരെ പരീക്ഷിക്കുന്ന നെയ്യ് കാപ്പിയുടെ ഗുണങ്ങൾ അറിയാം..
1) ഊർജ്ജവും ഉന്മേഷവും വർദ്ധിപ്പിക്കാൻ
സാധാരണ കട്ടൻ കാപ്പിയുമായി താരതമ്യപ്പെടുത്തുമ്പോൾ നെയ്യ് ചേർത്ത കാപ്പി കൂടുതൽ ഊർജ്ജം നൽകുന്നു. സാധാരണ കാപ്പി കുടിക്കുമ്പോൾ പെട്ടെന്ന് ഊർജ്ജം വർദ്ധിക്കുകയും അതേസമയം തന്നെ പെട്ടെന്ന് കുറയുകയും ചെയ്യുന്നു. എന്നാൽ നെയ്യ് ചേർക്കുന്നത് ഈ പ്രക്രിയയെ മന്ദഗതിയിലാക്കും.
നെയ്യിലെ ആരോഗ്യകരമായ കൊഴുപ്പുകൾ കാപ്പിയിൽ അടങ്ങിയിരിക്കുന്ന കഫീൻ ആഗിരണം ചെയ്യുന്ന പ്രക്രിയയെ മന്ദഗതിയിലാക്കുന്നു. അതുവഴി ഏറെ നേരം ഊർജ്ജം നൽകുന്നതിന് കാരണമാകും.
2) ആരോഗ്യകരമായ കൊഴുപ്പ് വർദ്ധിപ്പിക്കുന്നു
ആരോഗ്യകരമായ ഭക്ഷണക്രമത്തിൽ ഒഴിച്ചുകൂടാൻ കഴിയാത്തതാണ് നെയ്യ്. ഓമേഗ-3,6,9 തുടങ്ങിയ ആരോഗ്യകരമായ കൊഴുപ്പിന്റെ ഉറവിടമാണ് നെയ്യ്. ഹൃദയാരോഗ്യത്തിനും തലച്ചോറിന്റെ ആരോഗ്യത്തിനും നെയ്യ് അനിവാര്യമാണ്.
3) ദഹന വ്യവസ്ഥയെ മെച്ചപ്പെടുത്തുന്നു
കാലത്തെ കാപ്പി കുടിച്ച് ദിവസം ആരംഭിക്കുന്ന പലരും അസിഡിറ്റി അനുഭവിക്കുന്നവരാകും. എന്നാൽ കാപ്പിയിൽ നെയ്യ് കൂടി ചേർത്താൽ ഈ പ്രശ്നത്തിന് പരിഹാരമാകും. ദഹനം മെച്ചപ്പെടുത്തുന്നതിനും കുടലിന്റെ ആരോഗ്യത്തിനും ഇത് സഹായിക്കുന്നു.
4) വിശപ്പ് കുറയ്ക്കുന്നു
വിഷപ്പ് കുറയ്ക്കാൻ നെയ്യ് സഹായിക്കുന്നു. നെയ്യ് ഒഴിച്ച കാപ്പി കുടിക്കുന്നത് അനാവശ്യമായി ലഘുഭക്ഷ്ഷണം കഴിക്കുന്നതും അമിതമായി കലോറി കഴിക്കുന്നതിനും സഹായിക്കുന്നു.
നെയ്യ് കാപ്പി തയ്യാറാക്കാം
ചൂടുള്ള കട്ടൻ കാപ്പിയിൽ ഒരു ടേബിൾസ്പൂൺ നെയ്യ് ചേർക്കുക. കുറച്ച് നേരം ഇളക്കി തീ ഓഫ് ചെയ്യുക. തുടർന്ന് ആവശ്യത്തിനുള്ള മധുരം ചേർത്ത് കുടിക്കാവുന്നതാണ്. ആരോഗ്യ വിദഗ്ധന്റെയോ ന്യൂട്രിഷനിസ്റ്റിന്റെയോ നിർദ്ദേശം തേടുന്നത് ഉചിതമായിരിക്കും.
