അഗർത്തല: മകൻ മരിച്ചത് അറിയാതെ പക്ഷാഘാതം ബാധിച്ച അമ്മ തൊട്ടടുത്ത മുറിയിൽ കഴിഞ്ഞത് എട്ട് ദിവസം. ത്രിപുരയുടെ തലസ്ഥാനമായ അഗർത്തലയിലെ ശിവ് നഗറിലാണ് സംഭവം.വീട്ടിൽ നിന്ന് ദുർഗന്ധം വമിക്കാൻ തുടങ്ങിയതൊടെ അയൽവാസികൾ നടത്തിയ പരിശോധനയിലാണ് 54 കാരന്റെ മൃതദേഹം കട്ടിലിൽ കണ്ടെത്തിയത്. 82 കാരിയായ അമ്മ വർഷങ്ങളായി കിടപ്പിലാണ്.
കുടുംബ വഴക്കിനെ തുടർന്ന് മൂന്ന് വർഷം മുമ്പ് മരുമകൾ വീട് വിട്ടുപോയ ശേഷം മകൻ സുധീറിനൊപ്പമാണ് (54) കല്യാണി സൂർ ചൗധരി താമസിച്ചിരുന്നത്. മരിച്ചയാൾക്ക് മാനസികാസ്വസ്ഥ്യം ഉള്ളതായി പോലീസ് സംശയിക്കുന്നു. നിരവധി ഒഴിഞ്ഞ മദ്യക്കുപ്പികൾ മൃതദേഹത്തിന് സമീപത്ത് നിന്ന് പോലീസ് കണ്ടെത്തി. അമിത മദ്യപാനത്തെ തുടർന്നാണ് മരണമെന്നാണ് പ്രാഥമിക നിഗമനം.
മഹാരഗംഗ് ബസാർ പോലീസ് സ്ഥലത്തെത്തി തുടർ നടപടികൾ സ്വകരിച്ചു. പക്ഷാഘാതം ബാധിച്ച അമ്മയെ പോലീസ് സംഘം അടുത്തുള്ള ആശുപത്രിയിൽ മാറ്റി.
