കുടുംബത്തിന്റെ കൺമുന്നിൽ സഹോദരിയെ കഴുത്ത് ഞെരിപ്പിച്ച് കൊലപ്പെടുത്തി യുവാവ്. പാകിസ്താനിലെ പഞ്ചാബ് പ്രവിശ്യയിലാണ് ദാരുണ കൊലപാതകം. ഇതിന്റെ വീഡിയോ പകർത്തി സോഷ്യൽ മീഡിയയിൽ പ്രചരിപ്പിക്കുകയും ചെയ്തു. ദുരഭിമാന കൊലപാതകമാണെന്ന് സംശയമുണ്ടെങ്കിലും യഥാർത്ഥ കാരണം ഇതുവരെ വ്യക്തമായിട്ടില്ല. 22-കാരിയായ മറിയയാണ് കൊല്ലപ്പെട്ടത്.
വീഡിയോയിൽ കട്ടിലിരിക്കുന്ന ഒരു യുവാവ് സഹോദരിയെ കഴുത്ത് ഞെരിച്ച് കൊലപ്പെടുത്തുകയും പിന്നാലെ പിതാവ് നൽകിയ വെള്ളം വാങ്ങിക്കുടിച്ച് ക്ഷീണം മാറ്റുകയുമായിരുന്നു. ഇത് കുടുംബത്തിലെ മറ്റാരോ ഫോണിൽ പകർത്തി. ഇരുവർക്കും കൊലയ്ക്ക് മുൻപും ശേഷവും ഒരു ഭാവ വ്യത്യാസവുമുണ്ടായിരുന്നില്ല.
പ്രതിയായ യുവാവിന്റെ ഭാര്യയും വീട്ടിലുണ്ടായിരുന്നതായി പോലീസ് അറിയിച്ചു.ദിവസങ്ങൾക്ക് മുൻപ് നടന്ന ക്രൂരകൃത്യത്തിന്റെ വീഡിയോയാണ് ഇപ്പോൾ പുറത്തുവന്നത്. യുവതിയുടെ മൃതദേഹം കത്തിച്ചു. പോലീസ് രണ്ടുപേരെ പിടികൂടിയിട്ടുണ്ട്. പ്രതികൾക്ക് തക്കതായ ശിക്ഷ നൽകണമെന്നാവശ്യപ്പെട്ട് ജനം തെരുവിലിറങ്ങി.
ٹوبہ ٹیک سنگھ کے علاقے 477 ج ب میں بھائی نے بہن کو باپ اور ایک اور شخص کی موجودگی میں گلہ دباکر قتل کردیا۔ pic.twitter.com/GqRsVxiH2l
— صحرانورد (@Aadiiroy2) March 27, 2024
“>
