ചൂട് താങ്ങാനാകുന്നില്ലേ; ഈ ഭക്ഷണങ്ങൾ കഴിച്ചുനോക്കൂ; ക്യാൻസർ സാധ്യതയും പ്രതിരോധിക്കാം

ചൂട് ദിനംപ്രതി വർദ്ധിക്കുന്ന സാഹചര്യത്തിൽ പലരും നിരവധി ആരോ​ഗ്യപ്രശ്നങ്ങൾ നേരിടുന്നുണ്ട്. ചിലർക്ക് ചൂട് താങ്ങാനാവാതെ അസ്വസ്ഥരാകുകയും അസുഖങ്ങൾ ഉണ്ടാകുകയും ചെയ്യുന്നു. എന്നാൽ ഈ ചൂട് സമയത്തും ശരീരത്തിന് ഉന്മേഷവും അതോടൊപ്പം ആരോ​ഗ്യവും നിലനിർത്തേണ്ടത് അനിവാര്യമാണ്. അതിനായി ചില ഭക്ഷണങ്ങൾ കഴിക്കാവുന്നതാണ്. ക്യാൻസറിന്റെ സാധ്യത കുറയ്‌ക്കുമെന്ന സവിശേഷതയും ഈ ഭക്ഷണങ്ങൾക്കുണ്ട്.

വേനൽകാലത്ത് കഴിക്കേണ്ട ഭക്ഷണങ്ങൾ ഏതൊക്കെയെന്ന് നോക്കാം

ഓട്സ്, തൈര്

വേനൽകാലത്ത് ഏറ്റവും കൂടുതൽ ശരീരത്തെ ബാധിക്കുന്ന അസുഖമാണ് നിർജ്ജലീകരണം. ആവശ്യത്തിന് വെള്ളം കുടിക്കാതിരിക്കുമ്പോൾ
ഇത്തരത്തിൽ നിർജ്ജലീകരണം വരാറുണ്ട്. എന്നാൽ ബെറീസ് കഴിക്കുന്നത് ശരീരം തണുക്കാനും ജലാംശം നിലനിർത്താനും സഹായിക്കുന്നു. സലാഡ്, ഓട്സ്, തൈര്, സംഭാരം എന്നിവ കുടിക്കുന്നത് ഉത്തമമാണ്.

തക്കാളി

ചുട്ട് പൊള്ളുന്ന ഈ ചൂട് കാലാവസ്ഥയിൽ തക്കാളി പോലുള്ള ജലാംശം അടങ്ങിയ പച്ചക്കറികൾ കഴിക്കുന്നതും ശരീരത്തിന് വളരെ ​ഗുണം ചെയ്യുന്നു. തക്കാളി കഴിക്കുന്നത് ശരീരത്തിലുണ്ടാകുന്ന നിർജ്ജലീകരണം ഇല്ലാതാക്കുന്നു. തക്കാളി കഷ്ണങ്ങളായി അരിഞ്ഞിട്ട് സലാഡ് ഉണ്ടാക്കിയും കഴിക്കാം. ഇത് ക്യാൻസർ സാധ്യത കുറക്കുമെന്ന് പഠനങ്ങൾ വ്യക്തമാക്കുന്നു.

കാബേജ്, കോളിഫ്ലവർ ‌‌‌

വേനൽകാലത്ത് കഴിക്കാൻ വളരെ ഫലപ്രദമായ പച്ചക്കറിയാണ് കാബേജ്, കോളിഫ്ലവർ പോലുള്ളവ. ഇതിൽ സൾഫോറാഫേൻ, ഇൻഡോൾ-3-കാർബിനോൾ തുടങ്ങിയ ആൻ്റിഓക്‌സിഡൻ്റുകളും അടങ്ങിയിട്ടുണ്ട്. ക്യാൻസർ സാധ്യത കുറക്കാനും ഇവ സഹായിക്കുന്നു. ഇത്തരം പച്ചക്കറികൾ ക്രൂസിഫറസ് വെജിറ്റബിൾസ് എന്നാണ് അറിയപ്പെടുന്നത്. വേവിച്ചും മറ്റ് ഭക്ഷണങ്ങളിൽ ഉൾപ്പെടുത്തിയും ഇവ കഴിക്കാവുന്നതാണ്.

ഇലക്കറികൾ

വിറ്റാമിനുകൾ, ധാതുക്കൾ, ആൻ്റിഓക്‌സിഡൻ്റുകൾ എന്നിവയുടെ കലവറയാണ് ഇലക്കറികൾ. ദിനംപ്രതിയുള്ള ഭക്ഷണ പദാർത്ഥങ്ങളിൽ ഇലക്കറികൾ ഉപയോ​ഗിക്കുന്നത് ആരോ​ഗ്യത്തിന് വളരെ ​ഗുണം ചെയ്യുന്നു. ക്യാൻസർ ബാധിത വൈറസുകളെ ഇല്ലാതാക്കാനും ഇവ സഹായിക്കുന്നു.

പഴവർ​ഗങ്ങൾ

വേനൽകാലത്ത് പരമാവധി പഴവർ​ഗങ്ങൾ കഴിക്കാൻ ശ്രമിക്കേണ്ടതുണ്ട്. ഓറഞ്ച് കഴിക്കുന്നതാണ് ഏറ്റവും ​ഗുണകരം. വിറ്റാമിൻ സി, ഫ്ലേവനോയ്ഡുകൾ എന്നിവ ഓറഞ്ചിൽ ധാരാളം അടങ്ങിയി‌ട്ടുണ്ട്. ഇത് മികച്ച ദഹനത്തിന് സഹായിക്കുന്നു. അന്നനാളത്തിലുണ്ടാകുന്ന ക്യാൻസർ സാധ്യതയും കുറയ്‌ക്കാം.

തണ്ണിമത്തൻ

ചൂട് സമയത്ത് ശരീരത്തിന് ഏറ്റവും ​ഗുണം ചെയ്യുന്ന പഴവർ​ഗമാണ് തണ്ണിമത്തൻ. ലൈക്കോപീനാലും മറ്റ് ആൻ്റിഓക്‌സിഡൻ്റുകളാലും സമ്പന്നമാണിവ. ക്യാൻസറിന്റെ സാധ്യത കുറയ്‌ക്കാൻ തണ്ണിമത്തൻ സഹായിക്കും. ഫ്രൂട്ട് സലാഡായും ജ്യൂസായും തണ്ണിമത്തൻ കഴിക്കാവുന്നതാണ്.