പത്തനംതിട്ട: കോന്നിയിലെ വാടക വീട്ടിൽ യുവതി തൂങ്ങി മരിച്ച സംഭവത്തിൽ ഭർത്താവ് അറസ്റ്റിൽ. ഊട്ടുപാറ കുളമാവുകൂട്ടത്തിൽ ആശിഷിനെയാണ് (23) കോന്നി പൊലീസ് അറസ്റ്റ് ചെയ്തത്. വട്ടക്കാവ് കല്ലിടുക്കിനാൽ ആര്യാലയത്തിൽ അനിൽകുമാറിന്റെയും ശകുന്തളയുടെയും മകൾ ആര്യ കൃഷ്ണയെയാണ് പയ്യനാമണ്ണിലെ വാടകവീട്ടിൽ മരിച്ച നിലയിൽ കണ്ടെത്തിയത്.
ഭർത്താവിന്റെ നിരന്തര പീഡനമാണ് ആത്മഹത്യ കാരണമെന്നാണ് പൊലീസ് ഭാഷ്യം. ആത്മഹത്യാ പ്രേരണ,ഗാർഹിക പീഡനം എന്നി വകുപ്പുകൾ ചുമത്തിയാണ് ആശിഷിനെ കോന്നി പോലീസ് അറസ്റ്റ് ചെയ്തത്. പത്തനംതിട്ട കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.പ്രതിക്കെതിരെ ആര്യയുടെ പിതാവ് അനിൽകുമാറും പൊലീസിൽ മൊഴി നൽകിയിരുന്നു.മൂന്നുവർഷം മുൻപായിരുന്നു ഇവരുടെ വിവാഹം.