കോട്ടയം : പ്രായപൂർത്തിയാകാത്ത പെൺകുട്ടിയെ പ്രണയം നടിച്ച് പീഡിപ്പിച്ച ശേഷം ബംഗാളിലേക്ക് കടത്താൻ ശ്രമിച്ചയാൾ അറസ്റ്റിൽ. മുഷിഗഞ്ച് സ്വദേശിയായ എയ്‌നുൾ ഹഖ് ആണ് അറസ്റ്റിലായത്. കഴിഞ്ഞ തിങ്കളാഴ്ചയായിരുന്നു സംഭവം.
പാലായിൽ വർഷങ്ങളായി ജോലിചെയ്തുവരികയാണ് ഇയാൾ. സമൂഹമാദ്ധ്യമം വഴിയായിരുന്നു ഇയാൾ 17കാരിയായ പെൺകുട്ടിയെ പരിചയപ്പെട്ടത്. തുടർന്ന് ഇവരുടെ സൗഹൃദം പ്രണയമായി വളർന്നു. വാലന്റൈൻസ് ഡേയ് ദിനത്തിൽ ഹഖിന്റെ നിർദ്ദേശ പ്രകാരം ബംഗാൾ സ്വദേശിനിയായ പെൺകുട്ടി കോട്ടയം റെയിൽവേ സ്‌റ്റേഷനിൽ എത്തി. തുടർന്ന് തീവണ്ടിയിലെ ആളില്ലാത്ത ബോഗിയിലേക്ക് കൊണ്ടുപോയി പീഡിപ്പിക്കുകയായിരുന്നു. തിരികെ ബംഗാളിൽ പോയി വിവാഹം കഴിച്ച് താമസിക്കാമെന്ന് പറഞ്ഞാണ് ഇയാൾ പെൺകുട്ടിയെ കോട്ടയത്ത് എത്തിച്ചത്.
പെൺകുട്ടിയെ കാണാതായതോടെ വീട്ടുകാർ പോലീസിൽ പരാതി നൽകി. ഇതിന്റെ അടിസ്ഥാനത്തിൽ പെൺകുട്ടിയുടെ മൊബൈൽ കേന്ദ്രീകരിച്ച് നടത്തിയ അന്വേഷണത്തിൽ ഇരുവരെയും തീവണ്ടിയിൽ നിന്നും പിടികൂടുകയായിരുന്നു.
