ന്യൂഡൽഹി : മോദി സർക്കാരിന്റെ എട്ടാം വാർഷികത്തോട് അനുബന്ധിച്ച് രാജ്യ വ്യാപകമായി വിപുലമായ പരിപാടികൾ സംഘടിപ്പിക്കാൻ ഒരുങ്ങി ബിജെപി. പരിപാടികളൂടെ ആസൂത്രണത്തിനായി മുതിർന്ന ബിജെപി നേതാക്കൾ കൂടിക്കാഴ്ച നടത്തി. 2019 മെയ് 30 നാണ് രണ്ടാം മോദി സർക്കാർ അധികാരമേറ്റത്.
12 മുതിർന്ന നേതാക്കളാണ് തിങ്കളാഴ്ച യോഗം ചേർന്നത്. കേന്ദ്രമന്ത്രിമാരായ രാജീവ് ചന്ദ്രശേഖർ, അനുരാഗ് താക്കൂർ, എംപി മാരായ രജ്ദീപ് റോയി, രാജു ബിസ്ത, വിനയ് സഹസ്രബുദ്ദേ, അപരാജിത സാരംഗി, ബിജെപി ജനറൽ സെക്രട്ടറിമാരായ അരുൺ സിംഗ്, സിടി രവി, ഡി പുരന്തേശ്വരി, മറ്റ് നേതാക്കളായ ശിവ് പ്രകാശ്, ലാൽ സിംഗ് ആര്യ എന്നിവരാണ് പരിപാടികളുടെ ആസൂത്രണത്തിനായി യോഗം ചേർന്നത്. അടുത്ത മാസം അഞ്ചാം തിയതിയോടെ പരിപാടികളുമായി ബന്ധപ്പെട്ട കർമ്മ പദ്ധതി തയ്യാറാക്കാൻ യോഗത്തിൽ തീരുമാനമായി.
543 അംഗ ലോക്സഭയിൽ 303 സീറ്റുകൾ സ്വന്തമാക്കിയായിരുന്നു ബിജെപി വീണ്ടും അധികാരത്തിലേറിയത്.
Comments