മൂന്നാർ : മറയൂരിൽ തോട്ടം മേൽനോട്ടക്കാരനെ കൊലപ്പെടുത്തി. ആനച്ചാൽ സ്വദേശി ബെന്നിയാണ് കൊല്ലപ്പെട്ടത്.വാക്കത്തികൊണ്ട് വെട്ടിയും വടി കൊണ്ട് അടിച്ചുമാണ് കൊല നടത്തിയിരിക്കുന്നത്.സംഭവത്തിൽ കാന്തല്ലൂർ ചുരുക്കുളം സ്വദേശി യദു കൃഷ്ണനെ പോലീസ് കസ്റ്റഡിയിലെടുത്തു.
മറയൂർ പള്ളനാട് മേഖലയിൽ കവുങ്ങുതോട്ടം മേൽനോട്ടക്കാരനായിരുന്നു ബെന്നി. രാവിലെ ജോലിക്കായി തോട്ടത്തിൽ എത്തിയ തൊഴിലാളികളാണ് ബെന്നിയെ മരിച്ച നിലയിൽ കണ്ടെത്തിയത്. ബെന്നിക്കൊപ്പം ഇന്നലെ വൈകിട്ട് മുതൽ യദുവുമുണ്ടായിരുന്നുവെന്ന് പ്രദേശവാസികൾ പോലീസിന് മൊഴി നൽകിയിരുന്നു.തുടർന്ന് നടത്തിയ തിരച്ചിലിലാണ് ഇയാളെ പോലീസ് കസ്റ്റഡിയിൽ എടുത്തത്.
ചോദ്യം ചെയ്യലിൽ ഇയാൾ കുറ്റം സമ്മതിച്ചതായിട്ടാണ് സൂചന. ഇരുവരും തമ്മിലുണ്ടായ വാക്ക് തർക്കമാണ് കൊലപാതകത്തിൽ കലാശിച്ചത് എന്നാണ് പ്രാഥമിക നിഗമനം.കൊല്ലപ്പെട്ട ബെന്നിക്ക് നേരത്തെ ഉണ്ടായ അപകടത്തിൽ ഒരു കൈയ്യുടെ ചലന ശേഷി നഷ്ടപെട്ടിരുന്നു. പോലീസ് ഉദ്യോഗസ്ഥരുടെ നേതൃത്വത്തിൽ വിരലടയാള വിദഗ്ദ്ധരും ,ഡോഗ് സ്ക്വാഡും സ്ഥലത്തെത്തി തെളിവെടുപ്പ് നടത്തി.
Comments