ശ്രീനഗർ: അതിർത്തിയിൽ സംശയാസ്പദമായ തരത്തിൽ വിമാനത്തിന്റെ മാതൃകയിൽ ബലൂൺ കണ്ടെടുത്തു. പാകിസ്താൻ പതാകയിലുള്ള നിറങ്ങളാണ് ബലൂണിലുള്ളത്. ജമ്മു കശ്മീരിലെ സാംബ പ്രദേശത്ത് നിന്നാണ് ബലൂൺ കണ്ടെടുത്തത്. ‘ബിഎച്ച്എൻ’ എന്ന് വിമാനത്തിന്റെ രൂപത്തിലുള്ള ബലൂണിൽ എഴുതിയിരുന്നു.
സാംബയിലെ പെട്രോൾ പമ്പിന് സമീപമാണ് സംശയാസ്പദമായ തരത്തിൽ ബലൂൺ കണ്ടെടുത്തത്. സംഭവത്തെ തുടർന്ന് പ്രദേശത്ത് ആളുകൾ പരിഭ്രാന്തരായി. കഴിഞ്ഞ ദിവസം രാത്രിയോടെയാണ് ഇത് കണ്ടെടുത്തതെന്ന് പമ്പ് ജീവനക്കാർ വ്യക്തമാക്കി. വളരെ നേരമായി പച്ചയും വെള്ളയും കലർന്ന നിറത്തിലുള്ള ബലൂൺ, പെട്രോൾ പമ്പിന് മുന്നിൽ പറക്കുന്നതായി ശ്രദ്ധയിൽപ്പെട്ടതായും തുടർന്ന് സുരക്ഷാ ഉദ്യോഗസ്ഥർ സ്ഥലത്തെത്തി. പോലീസും സുരക്ഷാ സേനയും സംയുക്തമായി പരിശോധനകൾ നടത്തി. ഉർദു ഭാഷയാണ് ബലൂണിൽ എഴുതിയിരുന്നതെന്നും ഉദ്യോഗസ്ഥർ വ്യക്തമാക്കി.
സംഭവത്തിൽ അന്വേഷണം പുരോഗമിക്കുന്നതായി പോലീസ് വ്യക്തമാക്കി. കൂടുതൽ വിവരങ്ങൾ ഉടനെ പുറത്തുവരുമെന്നും പോലീസ് അറിയിച്ചു. കഴിഞ്ഞ മാസവും സംശയാസ്പദമായ രീതിയിൽ കത്വയിലെ അതിർത്തിയിൽ നിന്നും ബലൂൺ കണ്ടെടുത്തിരുന്നു.
Comments