എല്ലാവരുടെയും പൊതുവെ ഉള്ളൊരു പരാതിയാണ് മെസേജ് കണ്ടിട്ടും തിരിച്ച് മറുപടി നൽകുന്നില്ല എന്നത്. എന്നാലിനി ആ പരാതി കേൾക്കേണ്ടി വരില്ല. പുതിയ ഫീച്ചറുമായി എത്തിയിരിക്കുകയാണ് ഇൻസ്റ്റഗ്രാം. വാട്സ്ആപ്പിലേത് പോലെ ഇൻസ്റ്റഗ്രാം റീഡ് റെസിപ്പിയൻസ് കൊണ്ടുവരാത്തതെന്താ എന്നത് ഉപയോക്താക്കളുടെ വലിയൊരു ചോദ്യമായിരുന്നു. എന്നിലതാ എല്ലാ ചോദ്യങ്ങളും അവസാനിപ്പിക്കുന്നതിനായാണ് പുതിയ ഫീച്ചറുമായുള്ള ഇൻസ്റ്റഗ്രാമിന്റെ വരവ്.
മെറ്റ തലവൻ മാർക്ക് സക്കർബർഗാണ് പുതിയ ഫീച്ചറിനെ കുറിച്ച് ഇൻസ്റ്റഗ്രാമിലൂടെ പങ്കുവെച്ചത്. ഇനി മുതൽ വാട്സ്ആപ്പിലേത് പോലെ ഇൻസ്റ്റഗ്രാമിലും റീഡ് റെസിപ്പിയൻസ് ഓഫാക്കിയിടാൻ സാധിക്കും. ഈ പുതിയ ഫീച്ചർ എന്ന് മുതലാണ് ആപ്പിൽ എത്തുന്നത് സംബന്ധിച്ച് കൂടുതൽ വിവരങ്ങൾ പുറത്തുവന്നിട്ടില്ല. ഉടൻ തന്നെ പുതിയ ഫീച്ചർ ഉപയോക്താക്കളിലേക്ക് എത്തുമെന്ന് പ്രതീക്ഷയിലാണ് എല്ലാവരും. ഫേസ്ബുക്കിലും ഈ ഫീച്ചർ എത്തുമെന്ന വാർത്തകളും പ്രചരിക്കുന്നുണ്ട്.
കഴിഞ്ഞ ദിവസമാണ് പരസ്യങ്ങൾ കാണാതെ ഫേസ്ബുക്കും ഇൻസ്റ്റാഗ്രാമും ഉപയോഗിക്കാനുള്ള പുതിയ പെയ്ഡ് വേർഷന് യുറോപ്പിൽ മെറ്റ തുടക്കമിട്ടത്. പുതിയ വേർഷനിൽ സൈൻ അപ്പ് ചെയ്യാനുള്ള നിർദ്ദേശങ്ങൾ അടങ്ങിയ നോട്ടിഫിക്കേഷനുകൾ മെറ്റ പ്രദർശിപ്പിച്ച് തുടങ്ങിയിട്ടുണ്ട്. താൽപ്പര്യമുള്ളവർക്ക് പുതിയ പെയ്ഡ് വേർഷൻ സബ്സ്ക്രൈബ് ചെയ്യാനും അവസരമുണ്ട്. അല്ലാത്തവർക്ക് സൗജന്യ സേവനം തുടരാമെന്നും മെറ്റ അറിയിച്ചു.