ലക്നൗ: മഥുര കൃഷ്ണ ജന്മഭൂമി ഭൂമി തർക്കം പരാമർശിച്ച് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. “അയോദ്ധ്യയിലെ ആഘോഷങ്ങൾ കണ്ട നന്ദി ബാബ ഉറച്ചുനിന്നു, രാത്രിയിൽ ബാരിക്കേഡുകൾ തുറന്ന് എറിഞ്ഞു. ഇപ്പോൾ നമ്മുടെ കൃഷ്ണനും പുറത്തിറങ്ങാൻ തയ്യാറായി ,” എന്നാണ് യോഗി ആദിത്യനാഥ് നിയമസഭയിൽ പറഞ്ഞത്.
5000 വർഷത്തിലേറെയായി അയോദ്ധ്യ “അനീതി” അനുഭവിച്ചിട്ടുണ്ടെന്നും യോഗി ആദിത്യനാഥ് പറഞ്ഞു. ജില്ലാ കോടതി ഉത്തരവിനെത്തുടർന്ന് 30 വർഷത്തെ ഇടവേളയ്ക്ക് ശേഷം കഴിഞ്ഞ ആഴ്ചയാണ് ജ്ഞാൻ വാപി നിലവറകളിലൊന്നിൽ പ്രാർത്ഥന പുനരാരംഭിച്ചത് . കോടതി ഉത്തരവ് വന്ന് മണിക്കൂറുകൾക്ക് ശേഷം പുലർച്ചെ മൂന്ന് മണിക്കാണ് പൂജകൾ നടന്നത്.
