ഇന്ത്യ-സിംഗപ്പൂർ സൗഹൃദം ശക്തിപ്പെടുത്താൻ..; ദ്വിദിന സന്ദർശനത്തിനായി പ്രധാനമന്ത്രി സിംഗപ്പൂരിൽ

സിംഗപ്പൂർ: ഇന്ത്യയുമായുള്ള പങ്കാളിത്തം ശക്തിപ്പെടുത്താൻ പ്രധാനമന്ത്രി നരേന്ദ്രമോദി സിംഗപ്പൂരിൽ. ദ്വിദിന സന്ദർശനത്തിനായി ചാംഗി വിമാനത്താവളത്തിലിറങ്ങിയ പ്രധാനമന്ത്രിക്ക് അധികൃതർ ഗംഭീര സ്വീകരണം നൽകി. സിംഗപ്പൂർ പ്രധാനമന്ത്രി ലോറൻസ് വോങിന്റെ പ്രത്യേക ക്ഷണപ്രകാരമാണ് നരേന്ദ്രമോദി സിംഗപ്പൂരിലെത്തിയത്.

#WATCH | Prime Minister Narendra Modi arrives at Changi Airport on a two-day official visit to Singapore

During his visit, PM Modi will meet Singapore PM Lawrence Wong. PM Modi will call on President of Singapore Tharman Shanmugaratnam and interact with Singaporean leadership.… pic.twitter.com/PPBfoLYmVE

— ANI (@ANI) September 4, 2024

ഇന്ത്യ സിംഗപ്പൂർ സൗഹൃദം ശക്തിപ്പെടുത്താൻ ലക്ഷ്യമിട്ടുള്ള വിവിധ ചർച്ചയ്‌ക്കായി കാത്തിരിക്കുന്നുവെന്നും ഇന്ത്യയുടെ വികസനവും യുവ ജനതയുടെ നൈപുണ്യവും രാജ്യത്തെ മികച്ച നിക്ഷേപങ്ങളുടെ കേന്ദ്രമാക്കി മാറ്റുകയാണെന്നും പ്രധാനമന്ത്രി എക്‌സിൽ കുറിച്ചു. ലോറൻസ് വോങിന് പുറമെ, പ്രസിഡന്റ് തർമൻ ഷൺമുഖരത്നം, മുതിർന്ന മന്ത്രി ലീ സിയാൻ ലൂങ്, എമിരിറ്റസ് സീനിയർ മന്ത്രി ഗോ ചോക് ടോങ് എന്നിവരുമായും നരേന്ദ്രമോദി കൂടിക്കാഴ്ച നടത്തും.

സിംഗപ്പൂരിലെ വിവിധ ബിസിനസ് മേഖലയിലെ പ്രമുഖരുമായും അദ്ദേഹം ചർച്ച നടത്തും. ഇന്ത്യയിൽ ഇന്റേൺഷിപ്പ് ചെയ്ത സിംഗപ്പൂരിലെ വിദ്യാർത്ഥികളുമായും സിംഗപ്പൂരിലെ ഇന്ത്യൻ സമൂഹവുമായും പ്രധാനമന്ത്രി കൂടിക്കാഴ്ച നടത്തും. ലോറൻസ് വോങ് ഒരുക്കുന്ന പ്രത്യേക സത്ക്കാരത്തിലും പ്രധാനമന്ത്രി പങ്കെടുക്കും. 2018 നവംബറിലെ സന്ദർശനത്തിന് ശേഷം ആദ്യമായാണ് പ്രധാനമന്ത്രി സിംഗപ്പൂരിലെത്തുന്നത്.