അന്താരാഷ്‌ട്ര യോ​ഗാദിനം; വിശാഖപ്പട്ടണത്ത് പ്രധാനമന്ത്രിയുടെ നേതൃത്വത്തിൽ പ്രത്യേക പരിപാടി

അമരാവതി: അന്താരാഷ്‌ട്ര യോ​ഗാദിനത്തിൽ പ്രധാനമന്ത്രി നരേന്ദ്രമോദിയുടെ നേതൃത്വത്തിൽ വിശാഖപ്പട്ടണത്ത് യോ​ഗാദിനാചരണം സംഘടിപ്പിക്കും. വിശാഖപ്പട്ടണത്തെ രാമകൃഷ്ണ ബീച്ച് മുതൽ ഭോ​ഗപുരം വരെയുള്ള 26 കിലോമീറ്റർ ദൂരത്തിലാണ് പരിപാടി നടക്കുന്നത്. അഞ്ച് ലക്ഷത്തിലധികം ആളുകൾ യോ​ഗാദിനാചരണത്തിൽ പങ്കെടുക്കും.

#WATCH | Visakhapatnam, Andhra Pradesh: People gather along the beach to take part in International Yoga Daya celebrations which will be presided over by PM Narendra Modi, in attendance of CM Chandrababu Naidu. pic.twitter.com/Mjru9Nvtli

— ANI (@ANI) June 21, 2025

സംസ്ഥാനത്തുടനീളം പരിപാടി സംഘടിപ്പിക്കുമെന്നും രണ്ട് കോടിയിലധികം ആളുകൾ ഇതിന്റെ ഭാ​ഗമാകുമെന്നും സർക്കാർ പുറത്തിറക്കിയ പ്രസ്താവനയിൽ പറയുന്നു. അഹമ്മദാബാദിലെ അദലാജ് വാവിൽ നടക്കുന്ന യോ​ഗാദിനാചരണത്തിൽ കേന്ദ്ര ആഭ്യന്തരമന്ത്രി അമിത് ഷാ പങ്കെടുക്കും.11-ാമത് അന്താരാഷ്‌ട്ര യോ​ഗ ദിനാചരണത്തിൽ പങ്കെടുക്കുന്നതിനായി പ്രതിരോധ മന്ത്രി രാജ്നാഥ് സിം​ഗ് ജമ്മുകശ്മീരിലെ ഉധംപൂരിലെത്തും.

#WATCH | Kurukshetra: Haryana CM Nayab Singh Saini, Governor Bandaru Dattatreya and Yoga Guru Swami Ramdev kickstart the celebrations of the 11th International Day of Yoga at Brahma Sarovar, Kurukshetra.

Source: Aastha TV pic.twitter.com/wlUVBIdNk2

— ANI (@ANI) June 20, 2025

2015 മുതലാണ് ലോകമെമ്പാടും അന്താരാഷ്‌ട്ര യോ​ഗാദിനം ആചരിക്കുന്നത്. രാജ്യത്തുടനീളം വിവിധയിടങ്ങളിൽ യോ​ഗാദിനം ആചരിച്ചു. ഹരിയാനയിലെ ബ്രഹ്മസരോവറിൽ നടന്ന പരിപാടിയിൽ മുഖ്യമന്ത്രി നയാബ് സിം​ഗ് സൈനി, ​ഗവർ‌ണർ ബന്ദാരു ദത്താത്രേയ എന്നിവർ പങ്കെടുത്തു. ലഡാക്കിലെ പാം​ഗോങിൽ ഇന്ത്യ ടിബറ്റൻ ബോർഡർ സുരക്ഷാസേന യോ​ഗാദിനാചരണത്തിന്റെ ഭാ​ഗമായി.

#WATCH | ITBP performed Yoga on the banks of Pangong Tso at BOPs Dhan Singh Thapa and Chartse (24 Bn, Leh), located at 14,100–14,200 feet, on International Yoga Day.

Source: ITBP pic.twitter.com/mzuKIj9SGh

— ANI (@ANI) June 20, 2025

ന്യൂയോർക്കിലെ ടൈംസ് സ്ക്വയറിലും ലണ്ടനിലെ ഇന്ത്യൻ ഹൈക്കമ്മീഷൻ ഓഫീസിലും യോ​ഗാദിനാചരണം നടന്നു. ആയിരക്കണക്കിന് ആളുകൾ ടൈംസ് സ്ക്വയറിൽ നടന്ന യോ​ഗയിൽ പങ്കെടുത്തു.

CGI New York, in collaboration with Times Square, hosted a vibrant Yoga Session at the iconic Crossroads of the World – Times Square! Here are a few more glimpses from this energising celebration of wellness and unity.

Source: India in New York pic.twitter.com/WH8QNy0MPB

— ANI (@ANI) June 20, 2025