വാഷിംഗ്ടണ്; റഷ്യ നടത്തുന്ന അധിനിവേശം 12ാം ദിവസത്തിലേക്ക് കടന്നിരിക്കെ യുക്രെയ്ന് പ്രസിഡന്റ് സെലന്സ്കിയ്ക്ക് അമേരിക്കന് പ്രസിഡന്റ് ജോ ബൈഡനുമായി സുരക്ഷിതമായി ആശയവിനിമയത്തില് ഏര്പ്പെടാന് അത്യാധുനിക ആശയവിനിമയ ഉപകരണങ്ങള് നല്കി യുഎസ്. എന്ക്രിപ്റ്റ് ചെയ്ത ആശയവിനിമയ ഉപകരണങ്ങളാണ് സെലന്സ്കിയ്ക്ക് കൈമാറിയിരിക്കുന്നത്. ഒരു അന്താരാഷ്ട്ര മാദ്ധ്യമമാണ് ഇത് സംബന്ധിച്ചുള്ള വാര്ത്ത റിപ്പോര്ട്ട് ചെയ്തത്. കീവില് റഷ്യന് സേനയുടെ പിടിയില് അകപ്പെടാതിരിക്കാനാണ് തന്റെ ശ്രമമെന്ന് സെലന്സ്കി പറഞ്ഞതിന് പിന്നാലെയാണ് അമേരിക്കയുടെ നീക്കം.
ഈ സംവിധാനത്തിലൂടെ 35 മിനിട്ടോളം സമയം സെലന്സ്കി ബൈഡനുമായി സംസാരിച്ചതായും വാര്ത്താ ഏജന്സി പറയുന്നു. റഷ്യന് സൈനിക നീക്കങ്ങളുടെ ഉപഗ്രഹ ചിത്രങ്ങള് സഹിതമുള്ള രഹസ്യ വിവരങ്ങള് അപ്പപ്പോള് തന്നെ യുക്രെയ്ന് സൈനിക യൂണിറ്റുകള്ക്ക് വാഷിംഗ്ടണിലേയും ജര്മ്മനിയിലേയും രഹസ്യാന്വേഷണ ഉദ്യോഗസ്ഥര് കൈമാറുന്നതായും വിവരമുണ്ട്.
അതേസമയം യുഎസ് കോണ്ഗ്രസ് അംഗങ്ങളുമായി സെലന്സ്കി നടത്തിയ വീഡിയോ കോണ്ഫറന്സില് നിന്നുള്ള ചിത്രം രണ്ട് റിപബ്ലിക്കന് സെനറ്റര്മാര് ട്വീറ്റ് ചെയ്തത് വിവാദമായി. സെലന്സ്കിയുടെ ചിത്രം ട്വീറ്റ് ചെയ്യരുതെന്ന യുക്രെയ്ന്റെ അഭ്യര്ത്ഥന മറികടന്നായിരുന്നു നീക്കം. ഫോട്ടോയിലെ ജിയോടാഗ് വിശകലനം ചെയ്ത് സെലന്സ്കി എവിടെയാണ് ഉള്ളതെന്ന് കണ്ടെത്താന് റഷ്യന് സേനയ്ക്ക് കഴിയുമെന്നാണ് യുക്രെയ്ന് പറയുന്നത്.
Comments