വിമാനത്തിന്റെ ചിറകിൽ നിന്ന് ഡാൻസ് ചെയ്യുന്ന കാബിൻ ക്രൂ അംഗങ്ങളുടെ ദൃശ്യങ്ങൾ വൈറലാകുന്നു. ബോയിംഗ് 777 എയർക്രാഫ്റ്റിന്റെ ചിറകിൽ നിന്നുകൊണ്ട് സ്വിസ് ഇന്റർനാഷണൽ എയർ ലൈൻസിന്റെ ക്രൂ അംഗങ്ങളാണ് ഡാൻസ് ചെയ്തത്. എയർപോർട്ട് ടെർമിനലിൽ കാത്തുനിൽക്കുകയായിരുന്ന യാത്രക്കാരൻ ഇതുകാണുകയും ദൃശ്യങ്ങൾ പകർത്തി എക്സിൽ (ട്വിറ്ററിൽ) പോസ്റ്റ് ചെയ്യുകയുമായിരുന്നു.
Moment air hostesses for #Swiss International Air Lines are caught on camera posing for selfies as they dance on wing of Boeing 777 in #BuenosAires, #Argentina pic.twitter.com/9lCwCrjVRA
— Hans Solo (@thandojo) August 27, 2023
എയർലൈനിന്റെ വനിതാ ക്രൂ അംഗമാണ് വിമാനത്തിന്റെ ചിറകിൽ നിന്ന് ആദ്യം ഡാൻസ് ചെയ്തത്. പിന്നീട് അവരുടെ സഹപ്രവർത്തകനും എത്തി ഡാൻസ് ചെയ്തു. ഇതെല്ലാം വീഡിയോയിൽ വ്യക്തമാണ്. ഓഗസ്റ്റ് ആദ്യവാരമാണ് ഈ ദൃശ്യങ്ങൾ റെക്കോർഡ് ചെയ്യപ്പെട്ടതെന്ന് കരുതുന്നു. ഉപരിതലത്തിൽ നിന്നും 16.4 അടി ഉയരത്തിലാണ് വിമാനത്തിന്റെ ചിറകുള്ളത്. ഇവിടെ നിന്നും ജീവൻ പണയപ്പെടുത്തി ഡാൻസ് ചെയ്ത ക്രൂ അംഗങ്ങൾക്കെതിരെ നടപടിയെടുത്തതായി അധികൃതർ അറിയിച്ചു.
Comments