നമ്മളെക്കാൾ പ്രായം കൂടിയ വ്യക്തികളെ ചേട്ടാ, ചേച്ചി, അമ്മാവാ, അമ്മായി ഇങ്ങനെയൊക്കെ വിളിക്കണമെന്നാണ് നമ്മുടെ വീട്ടുകാർ പഠിപ്പിച്ചിട്ടുണ്ടാകുക. മുൻ പരിചയം പോലും ഇല്ലാത്ത വ്യക്തികളോട് നാം ഇത്തരത്തിൽ ചേച്ചി, ചേട്ടാ, അല്ലെങ്കിൽ അമ്മാവാ, അമ്മായി എന്നൊക്കെ അഭിസംബോധന ചെയ്തിട്ടാകും സംസാരിച്ചിട്ടുണ്ടാകുക. പലർക്കും ഇത്തരത്തിലുള്ള അഭിസംബോധനകൾ ഇഷ്ടമില്ലെന്നും വരും. അത്തരത്തിൽ ട്രെയിനിൽ കണ്ട ഒരു അപരിചിതനെ ‘അമ്മവാ’ എന്ന് വിളിച്ച് പണി വാങ്ങിയ ഒരാളുടെ ദൃശ്യങ്ങളാണ് ഇപ്പോൾ സമൂഹ മാദ്ധ്യമങ്ങളിൽ വൈറലാകുന്നത്.
മുംബൈയിലെ ഒരു ലോക്കൽ ട്രെയിനിലാണ് സംഭവം. വാതിലിനടുത്തായി ഒരു യുവാവ് ഇരിക്കുന്നത് വീഡിയോയിൽ കാണാം. ഇയാളുടെ അടുത്തേക്ക് മറ്റൊരാൾ വരുകയും ”അങ്കിൾ അടുത്ത സ്റ്റേഷൻ ബൊറിവാലിയാണ്, ഇവിടെ എനിക്ക് ഇറങ്ങണം ഒന്ന് എഴുന്നേൽക്കൂ” എന്നും പറയുകയും ചെയ്യുന്നു. എന്നാൽ ആ യുവാവ് അത് കേട്ട ഭാവം പോലും കാണിക്കാതെ അവിടുന്ന് മാറാതെ ഇരിക്കുന്നു. ഇതുകണ്ട ആ യാത്രികൻ പിന്നെയും ”അങ്കിൾ ഒന്നു മാറി ഇരിക്കൂ” എന്ന് ആവർത്തിക്കുന്നുണ്ട്. അപ്പോഴാണ് യുവാവ് പ്രതികരിക്കുന്നത്. ”നിങ്ങൾ ആരെയാണ് ഇങ്ങനെ വിളിക്കുന്നത്, ആരാണ് നിങ്ങളുടെ അമ്മാവൻ” എന്ന് യുവാവ് കയർത്ത് ചോദിക്കുന്നതും വീഡിയോയിൽ കാണാം.
Never call someone UNCLE inside a #MumbaiLocal😂😂😂 pic.twitter.com/hu8oPLYHSS
— मुंबई Matters™ (@mumbaimatterz) October 15, 2023
“>
എക്സിലൂടെ പങ്കുവെച്ച വീഡിയോ നിമിഷനേരം കൊണ്ട് നിരവധി ആളുകളാണ് കണ്ടത്. കണ്ണിൽ കാണുന്ന എല്ലാ വ്യക്തികളെയും നിങ്ങൾക്ക് അമ്മവാ, അമ്മായി എന്ന് വിളിക്കാൻ സാധിക്കില്ലെന്നും അത് എല്ലാവർക്കും ഇഷ്ടപ്പെടില്ലെന്നും തുടങ്ങി നിരവധി കമന്റുകളാണ് വീഡിയോയ്ക്ക് ലഭിച്ചിരിക്കുന്നത്.
