വീണ്ടും ഇന്ത്യക്കെതിരെ പാകിസ്ഥാൻ; വനിത ഏകദിന ലോകകപ്പ് സമയക്രമം പ്രഖ്യാപിച്ചു

2025-ലെ വനിത ലോകകപ്പിന്റെ സമയക്രമം ഐസിസി പ്രഖ്യാപിച്ചു. ആദ്യ മത്സരത്തിൽ ആതിഥേയരായ ഇന്ത്യ ശ്രീലങ്കയെ നേരിടും. ഇന്ത്യയും ശ്രീലങ്കയുമാണ് ലോകകപ്പ് വേദികൾ. ഓക്ടോബർ 29-നാണ് ആദ്യ സെമി. ​ഗുവാഹത്തിയോ കൊളംബോയോ ആയിരിക്കും വേദികൾ. രണ്ടാം സെമി 30ന് ബെം​ഗളൂരുവിൽ നടക്കും. ഇന്ത്യയുടെ ആദ്യ മത്സരം ബെംഗളൂരുവിലാണ് നടക്കുന്നത്.

നവംബർ രണ്ടിന് കൊളംബോയിലോ ബെം​ഗളൂരുവിലോയാകും കലാശ പോര്. പാകിസ്ഥാന്റെ യോ​ഗ്യത കണക്കിലെടുത്താകും അന്തിമ തീരുമാനം. ഏകദിന ലോകകപ്പിൽ പാകിസ്ഥാന്റെ മത്സരങ്ങൾക്ക് ഇന്ത്യ വേദിയാകില്ല. ഓക്ടോബർ അഞ്ചിന് പാകിസ്ഥാനും ഇന്ത്യയും ടൂർണമെന്റിൽ ആദ്യമായി നേർക്കുനേർ വരും. നിക്ഷ്പക്ഷ വേദിയായ കൊളംബോയിലാണ് മത്സരം. പഹൽ​ഗാം ആക്രമണത്തിനും ഓപ്പറേഷൻ സിന്ദൂറിനും ശേഷം ഇന്ത്യയും പാകിസ്താനും ആദ്യമായി ഏറ്റുമുട്ടുന്ന മത്സരമാണിത്.

ബെം​ഗളൂരുവിനെ കൂടാതെ വിശാഖപട്ടണം, ഇൻഡോർ, ​ഗുവാഹത്തി, കൊളംബോ എന്നിവിടങ്ങളാണ് ലോകകപ്പിന് വേദിയാകുന്നത്. നിലവിലെ ചാമ്പ്യന്മാരായ ഓസ്ട്രേലിയ ന്യൂസിലൻഡിനെ നേരിടും. ഒക്ടോബർ ഒന്നിന് ഇൻഡോറിലാണ് മത്സരം. ടൂർണമെന്റിലെ 11 മത്സരങ്ങളാണ് കൊളംബോയിൽ നടക്കുന്നത്. 2020-ൽ ഫൈനലിലും നാല് തവണ സെമിയിലും എത്തിയതൊഴിച്ചാൽ ഇന്ത്യക്ക് ഇതുവരെ ലോകകപ്പിൽ മുത്തമിടാനായിട്ടില്ല.

The moment we’ve been waiting for! 🏆

The Women’s Cricket World Cup 2025 fixtures are OUT! 🗓🔥@ICC pic.twitter.com/qiAjB9arxI

— BCCI (@BCCI) June 16, 2025