തിരുവനന്തപുരം:സിൽവർ ലൈൻ പദ്ധതിയിൽ പാർട്ടിക്കൊപ്പം നിൽക്കാത്ത ശശി തരൂർ എം പി ക്കെതിരെ രൂക്ഷ വിമർശനം.
കെ റെയിൽ വിഷയത്തിൽ സുധാകരന്റെ പ്രതികരണത്തിൽ വിശദീകരണം തേടുമെന്ന് കെ പി സി സി അദ്ധ്യക്ഷൻ കെ സുധാകരൻ വ്യക്തമാക്കി.
കെ റെയിൽ വിഷയത്തിൽ കൃത്യമായി പഠിച്ച ശേഷമാണ് പാർട്ടി തീരുമാനമെടുത്തതെന്നും,അത് അറിഞ്ഞിട്ടും ശശിതരൂർ എതിരായ നിലപാടെടുത്തത് ശരിയല്ലെന്നും സുധാകരൻ പറഞ്ഞു.സംഭവത്തിൽ ശശി തരൂരിൽ നിന്നും വിശദീകരണം തേടും,തിരുത്തേണ്ടതാണെങ്കിൽ തിരുത്തുമെന്നും സുധാകരൻ മാദ്ധ്യമങ്ങളോട് വ്യക്തമാക്കി.
കെ റെയിൽ വിഷയത്തിൽ യൂ ഡി എഫ് ഒറ്റക്കെട്ടാണെന്നായിരുന്നു മുൻ പ്രതിപക്ഷ നേതാവ് രമേശ് ചെന്നിത്തലയുടെ പ്രതികരണം .തരൂരിനെതിരെ രൂക്ഷ വിമർശനം ഉയർത്തിമുല്ലപ്പള്ളി രാമചന്ദ്രൻ രംഗത്ത് വന്നിരുന്നു.പാർട്ടി അച്ചടക്കം അറിയില്ലെങ്കിൽ പഠിപ്പിക്കും എന്നായിരുന്നു മുല്ലപ്പള്ളിയുടെ പ്രതികരണം.
കെ റെയിൽ പദ്ധതിക്കെതിരെ യു ഡി എഫ് കൊണ്ടുവന്ന നിവേദനത്തിൽ ഒപ്പ് വയ്ക്കാതെ മാറി നിന്ന തരൂർ ,സിൽവർ ലൈനിനെക്കുറിച്ചു കൂടുതൽ പഠനം വേണം എന്ന് ആവശ്യപ്പെട്ടതാണ് കോൺഗ്രസ് നേതൃത്വത്തെ പ്രകോപിപ്പിച്ചത്.
അതെ സമയം കെ- റെയിലിൽ ശശി തരൂരിൻ്റേത് നാടിന്റെ നിലപാടിന് അനുകൂലമായ പ്രതികരണമെന്നായിരുന്നു മന്ത്രി പി രാജീവിന്റെ പ്രതികരണം.
